Browsing by Author "Tsua Hong-An"
Now showing 1 - 1 of 1
Results Per Page
Sort Options
Item 林宗源台語詩的性和愛(2010) 蔡豐安; Tsua Hong-An第二次世界大戰終戰後,林宗源應該是台灣第一個寫台語詩的人。 林宗源是1935年農曆4月16日子時,出世佇台南府城無尾巷。伊真早就開始寫詩,大概佇16、7歲初中e時就開始練寫詩,毋擱兮是伊按小學五年去讀私塾跟漢學仔仙學漢文後,佇初一e時陣學寫唐詩(七絕) ,bat寫過三首舊詩,因為伊認為無合文學創作的道理,嘛無合新文學韻律、形式自由無拘束的創作原則,就放棄啊,改寫新詩。 終戰後,詩人林宗源佇高中的時陣,真早就用伊純真的心,專心去深思欲按用台語來寫詩,而且試用台語句法來從事台語詩創作;伊佇1964年加入「笠詩社」,1976年得到吳濁流新詩獎,1987年參加台灣筆會,是發起人之一,1991年5月25日創立蕃薯詩社擔任第一任社長,1994年得到榮後台灣詩獎,1996年8月25日佇第16屆世界詩人會議日本大會,得着「名譽文學博士」,1997年7月擔任「台語文推展協會會長」。2004牟8月得到鹽分地帶文藝營「台灣新文學貢獻獎」。 自古以來,〝男女之間的愛情〞一直是作家和詩人迭迭咧寫,而且是寫未完的題材,毋擱,講到性,小說作家嘛迭迭會去寫到,而且寫到有夠精彩,親像一幕幕的實景呈現佇讀者眼前。對詩人來講,情形完全無仝,佇人類的詩史內,較少有詩人咧寫描述性愛行為的性愛詩的歷史現象;這款情形,隨著人類對性有擱較深入的認知,社會愈來愈進步嘛愈開放,一定會改變e。 人稱「台語詩之父」 的林宗源,佇愛情詩性愛的探索和創新的技巧,實在是值得學術界來做深入的研究。林宗源佇少年的時陣,真緣投,佇高中的時,就有交12個女朋友,佇1955年,就有寫一首和伊初戀的對象-其美有關的詩〈中央山脈的戀歌〉,表達了林宗源對青春女友-其美的愛慕和欣賞的詩。1954年,高三下學期畢業前2個月得到風濕症,休學佇厝裏,感覺前途烏暗,想講袂當予女友幸福,就故意誤解伊罵伊,為著欲和其美分手,寫一首〈病thai死咱的影〉,兩個人就因為安爾的誤會,才來分開。好佳哉,伊利用前後二遍休學總共歇睏一年四個月的時間,拼命看真濟世界名著、中國名著、天文地理哲學等種種冊,成做以後寫作的本錢。了後,林宗源就kah男女之間的小愛,轉移到對台灣這塊伊家己生長的土地的大愛,將近參拾年的時間,除了家己的牽手,毋捌閣和別個查某產生有愛情的關後。一直到1984年2月28日,寫了〈予我一暝的愛〉,表達了伊長久以來除了牽手的翁某感情外,半世人的感情世界竟然一片空白,佇這首詩內,伊表達了對愛情深深的映望。此後伊所創作的詩,雖然猶有寫各類的詩,毋擱就迭迭出現有關愛情的詩,甚至性愛行為、動作、表情和數念的描寫的性愛詩,到2008年12月27日寫出予差伊大概七歲左右的日本女詩人愛人的〈做愛的時陣〉,攏總差不多有二百外首。 本篇論文,除了會甲林宗源的生平做一個詳細通盤的紹介,也會就林宗源的詩觀和伊按怎寫詩做一個大概的介紹,上重要欲介紹予讀者的是林宗源相當傑出的性愛詩的分析和比較。