Browsing by Author "陳德修"

Filter results by typing the first few letters
Now showing 1 - 1 of 1
  • No Thumbnail Available
    Item
    Tâi-oân-ōe án-tsuánn寫－現今台灣話書寫系統ê整合過程kah各派立場ê比較分析
    (2019) 陳德修; Tan, Tik-Siu
    80年代，民主運動帶動台灣話母語意識，出現各種書寫系統。各派競爭了後，出現白話字、TLPA、通用拼音三大派。90年代，通用kah白話字合作，毋過以推sak通用為主。2000年後，教育部出面整合，通用佇國語會人濟，喝水會堅凍，白話字tō kah TLPA聯合對抗通用，推出「台灣羅馬字」，簡稱「台羅」。兩派聯合ê台羅派kah通用派針對拼音辯論後，通用派失勢，沓沓仔轉換立場，iáh是退出整合會議，教育部tō以台羅修改，推出「台灣閩南語羅馬字拼音方案」，mā簡稱「台羅」。整合了後，白話字派認為家己歷史久長，無應該hông取代；台羅派認為愛團結使用kâng一套書寫系統，所以台灣話書寫系統ê多文制現象iá是繼續。 本研究透過文獻kah訪問，整理出台羅整合背景khām經過，kah各派台語文書寫系統ê主張，以kâng款是多文制ê Sé-bī-ah（Serbia）kah Khoo-é-siah（Croatia） 做比較。發現白話字kah Sé-bī-ah khām Khoo-é-siah文使用者lóng對家己ê歷史感á光榮，有高度認同，排他性mā較強。兩ê所在mā出現一度結盟、整合，尾仔分離。南斯拉夫解體了後，lóng回歸傳統書寫系統。台灣mā類似，整合了後白話字派無認同、排斥中華民國教育部推出ê台羅，堅持使用白話字。個人電腦佇 90年代興起，衝擊兩ê所在ê使用者。Hit當時，電腦系統普遍無支援Sí-lī字（Cyrillic Alphabet），配合電腦，Sé-bī-ah人tsua̋nn改用羅馬字，綴電腦大漢ê少年世代普遍lóng接受使用羅馬字書寫。Kâng時陣ê台灣，白話字ê區別符號佇電腦mā無普遍，TLPA順勢修改出一套免區別符號ê書寫系統，部分mā沿用佇整合了後ê台羅。無kâng ê是Sé-bī-ah少年世代改變書寫系統，白話字派認為目前已經解決電腦ê顯示問題，愛倒來使用白話字，可見台灣話書寫系統ê整合iá當咧進行。