Browsing by Author "王一如"

Filter results by typing the first few letters
Now showing 1 - 1 of 1
  • No Thumbnail Available
    Item
    陳明仁短篇小說ê語詞研究
    (2013) 王一如
    Tuì 1985年起，陳明仁用真濟ê時間kap性命力，從事文學創作。伊唯一ê目的著是欲積極來推sak台文運動，hōo普羅大眾ê生命觀念發聲，hōo台語ê精髓會當保存落--來。陳明仁tī創作技巧方面，運用真道地ê台灣口語，作品集上大ê特色著是完全以漢羅形式ê白話字書寫，徹底擺脫中文化ê創作模式，完整保留台語語詞ê氣味，充份記錄台灣人民ê生活。 本論文以陳明仁台語小說劇本集《路樹下ê tō͘-peh-á》其中四篇小說〈Làu-si̍t孤飛〉、〈Làu-si̍t孤鳥〉、〈刺pho-á〉、〈路樹下ê tō͘-peh-á〉進行探討，分析陳明仁作品中ê語詞風格特色。主要kā分做三階段，首先先說明欲按怎利用語言學ê角度來分析文學作品，紲--落來利用漢羅台語文斷詞系統來統計作家寫作用詞ê比例，看佗一類ê詞佔大多數。上尾一部份tsiah koh針對頂一章選出來ê詞進行分類說明，進一步來了解陳明仁用詞ê類型。 文學作品目前真少用語言學ê角度去分析，尤其大多數文學ê論文是以作者背景為中心進行討論。本論文是一篇以量化ê形式來分析文學作品，將四篇文章ê詞頻整理出來，以露西亞文本中心理論來探討其中ê語言結構，另外koh tshuē出其他仝時期抑是類似題材ê文本做比較，統計發現陳明仁ê作品特色是有語詞ê附加意義、行話平均一篇出現九擺kap俗諺語ê使用情形平均一篇出現四擺，佔真大ê比例，成做伊寫作用詞ê特色。